mask-header-bottom-alt Created with Sketch.

Money Jam

Tērā e wini ai i ō ākonga tētahi wāhanga o ētahi paraihe $15K te uara mō tō kura.

I te tini mano o ngā whānau me ngā ākonga kua whakararuhia e te COVID-19, kua whakaroahia e mātou te wā ki te rā kati mō ngā whakaurunga ki te Money Jam.  Ko te rā kati hou ko te Rāmere te 1 o Haratua 2020 engari ka arotakea tēnei kia tata atu ki te Paengawhāwhā. Kua nekehia te kōwhiringa o ngā paraihe mō ngā puka takoha mai i Rockshop me Rebel Sport mō te $500 ki te mutunga o te whakataetae.

Ko te tūmanako mā te whakaroa ake i te wā e nui atu ai te wā ki ā koutou ākonga ki te mahi ngātahi me te whai wāhi mai i te wā e kati ana ngā kura, ina tuwhera mai anō rānei. Noho haumaru mai, noho ora mai, e rikarika ana kia kite i ā koutou whakaurunga! 

Kia pārekareka tātou!

Atu i tēnei wā ki te Rāmere, te 1 o Haratua, e whakahau ana mātou i ngā ākonga kia hanga mai i tētahi mahere me ōna kōrero pūtea mō tētahi wheako – pērā i tētahi haerenga hākinakina whakaharahara tētahi huihuinga pāpori rānei – ka tāpae mai ai i tō rātou ariā e tūpono wini ai ētahi momo paraihe mō tō kura. E rua ngā paraihe matua ka taea te wini mō te $5,000 (hei whakaora mai i ngā wheako e rua ka toa), mē ētahi puka takoha mai i Rockshop me Rebel Sport mō te $500.

Ki te whakauru mai, kōwhiria te wheako ka tino hiahia ō ākonga ki te waihanga mai i ngā kōwhiringa i raro nei, ka tiki atu i te rauemi Money Jam e hāngai ana. Kaua e wareware ki te tuku atu i tō whakaurunga i mua i te Rāmere, te 1 o Haratua e tūpono wini ai koe.  

Mahi 2: Tāpaea mai tō whakaurunga

Whāia ngā tikanga nei ki te whakaoti i tō whakaurunga:  

  • Me tiki ake tētahi o ngā rauemi Money Jam o runga ake nei
  • Whakahaua ō ākonga kia hanga i tētahi mahere me ōna kōrero pūtea mō tētahi tauwhāinga
  • Whakaurua atu ngā momo mea katoa ka taea e tū tāpua ai tō whakaurunga
  • Me tuku atu ngā kōnae ka whakauru ai mā te pāwhiri i raro nei

Mā ngā kaiako e tāpae ngā whakaurunga Money Jam, ka mutu, me mātua rēhita koe mō Te whai hua - kia ora, Sorted in Schools e whakauru ai koe.  

Whakauru ināianei


Tino Āwhina mō te Whakauru 

Tirohia ngā kupu āwhina nei mō ētahi whakaaro auaha e tū tāpua ai te whakaurunga a ō ākonga, kei wareware hoki te kōkuhu atu i ngā mea katoa e kimi ana ō mātou kaiwhakawā!

  • Kia tino tika, kia tino whāiti ngā kōrero pūtea mō tēnā me tēnā utu e whakariteritea ai te wheako kua kōwhiria e koe.
  • Whakaarohia te momo waka haere, ngā utu kai rānei mō tō tauwhāinga - ka whakawhiwhia e ō mātou kaiwhakawā ētahi atu māka mō ngā whakaaro auaha ka penapena moni!
  • Kia kaha te tāpae mai i te mahere mō tō tauwhāinga kia eke ai ki runga rawa o te whakataetae. Tērā e hoahoatia tētahi waitohu me te kōkuhu atu i ētahi pikitia tautoko, tētahi ataata rānei.
  • Mā ngā kōrero tino whāiti e tū motuhake ai tō kaupapa i ētahi atu, nō reira kimihia he ara hei whakaatu i tō āta whakaaro me tō āta whakariterite i ngā āhuatanga katoa o tō tauwhāinga.

Paearu Whakawā 

Ka whakawāngia ngā whakaurunga ki ngā paearu e whai ake nei: 

  • Ngā whakamārama mō tā rātou wheako, he aha i hira ai ki a rātou, he aha rātou i whakaaro ai me wini ko rātou
  • Ā rātou whakamārama mō te āhua o ngā kōrero pūtea, mō te wheako me ngā kōwhiringa i whāia 
  • Ā rātou kōrero pūtea, mēnā i whakaaro whānuitia, mēnā e tūturu ana – ko te mea tino nui – kei raro ngā utu i te moni kua tohua mō te kaupapa
  • Ngā whakaaro auaha e whakaaro kē ana kia noho mai ngā utu mō te wheako ki raro i te moni kua tohua
  • Mēnā ka tāpaea e rātou he tāpiringa kē atu hei āta whakaora mai i tō rātou ariā

Whakauru ināianei


Ngā FAQ

Ko wai e āhei ana ki te whakauru ki te Money Jam?

Mā ngā kaiako e whakauru mā ā rātou ākonga, ka mutu, me kura e mana ana i raro i a MoE kua rēhita mō Te whai hua - kia ora, Sorted in Schools.

He aha ngā paraihe ka taea te wini?

Tāpaea mai tō whakaurunga e tūpono wini ai tētahi o ētahi tauwhāinga e rua e $5,000 te uara o tēnā me tēnā, me ētahi paraihe iti mō ētahi puka takoha e 5 mō te $500 mai i  Rebel Sport me ētahi e 5 mō te $500 mai i Rockshop.

Me whakarite rawa e mātou tētahi haerenga hākinakina tētahi huihuinga pāpori rānei?

E kāo, māu tonu e kōwhiri tētahi momo tauwhāinga (pērā i te haerenga Marae, te whakaaturanga toi, tētahi atu kaupapa rānei) ka whakamahi ai i te kōwhiringa 'Kaupapa kē' i runga ake nei ki te tiki atu i te rauemi Money Jam e hāngai ana.

E hia ngā whakaurunga ka taea?

E whakahaua ana ngā ākonga kia mahi ā-rōpū iti, kia tāpaea ai e ngā kaiako ētahi whakaurunga maha mai i te akomanga kotahi. Ka pātaihia koe mēnā ka hiahia tuku atu koe i ētahi atu tāpaenga i muri i tō tuku atu i tō whakaurunga tuatahi ki a Money Jam.  

Kia pēhea te rahi o ngā rōpū ākonga ka mahi ki te whakarite i ā rātou tauwhāinga?

Kua hoahoatia ngā tūmahi mō te 6-8 ākonga ki ia rōpū. Heoi, ka taea e te rōpū tokoiti te whakarite tauwhāinga (pērā i te haerenga hākinakina) ka taea e te kura katoa rānei. Kei a koe te tikanga.

Āhea kati ai te whakauru atu?

Ka kati ngā whakaurunga ā te 11.59 o te pō o te Rāmere te 1 o Haratua 2020.

Me pēhea au e mōhio ai kua toa au?

Ka īmērahia atu e mātou te hunga ka toa i mua i te pāhotanga whānui. Ka pānuitia ngā toa ki tā mātou pae tukutuku, ka īmērahia atu ngā kaiako kua rēhita mai ki Te whai hua - kia ora, Sorted in Schools, ki roto anō i tā mātou rōpū kaiako kei te Facebook.

He aha Te whai hua - kia ora, Sorted in Schools?

Ko Te whai hua - kia ora, Sorted in Schools he hōtaka āheinga ahumoni utu kore e whai ana ki te whītiki i ngā rangatahi o Aotearoa ki te āheinga ahumoni ki tua. Me pāwhiri i konei mō ētahi atu kōrero.

He aha te Wiki Moni o te Ao?

Ko te Wiki Moni o te Ao (GMW) he kaupapa mātauranga ahumoni ā-tau i waihangatia ki te whakaoho i te tamariki me te taiohi kia ako mō ngā take moni, mō te whai oranga me te rakahinonga, arā te whakatū pakihi hei mahi moni.  

Mō āhea tū ai te kaupapa ka toa, te haerenga rānei?

Kāore i āta tohua he rā e whakahaeretia ai te paraihe, mā te kura ka toa e kōwhiri mō āhea, mēnā hoki e tika ana kia whakahaeretia te kaupapa, te haerenga rānei.  

Ka pēhea mēnā kāore e taea e mātou te whakarite te haerenga, te kaupapa rānei i ngā here o te COVID-19?

Ki te utua te $5000 ki te kura ka toa ka whakatau rātou kāore i tika te whakahaere i te haerenga, te kaupapa rānei i runga i ngā take hauora, me whakamōhio mai te kura i a mātou. I reira kua whakatau mātou mēnā e hāngai ana te whakamahi a te kura i ngā moni paraihe mō tētahi atu kaupapa (pērā i te taputapu hākinakina, te taputapu IT rānei). Tirohia ā mātou T&C mō ētahi atu kōrero.  

I te mea kua katia ngā kura i te COVID-19, ka haere tonu te Money Jam?

I tēnei wā ka haere tonu ngā whakaritenga; heoi anō, kua whakaroahia te wā ki te rā kati mō te whakauru ki te Rāmere, te 1 o Haratua.  Mā konei e roa ake ai te wā ki ō ākonga ki te mahi ngātahi me te whai wāhi atu i te wā e kati ana ngā kura ina tuwhera mai anō rānei ā tōna wā.

Kāore e kitea te whakautu e kimi ana koe? Whakapā mai ki a mātou i schools@sorted.org.nz ki te kimi āwhina.

Ngā tikanga me ngā here o te Money Jam.

 

Equipping young people for their financial future, embedding good money habits early on.

Hāpaitia te ara tika, pūmau ai te rangatiratanga mo ngā uri whakatipu.

English
Medium Education

Written in English with resources aligned to the New Zealand Curriculum.

Māori
Medium Education

Written in te reo Māori with resources aligned to Te Marautanga o Te Aho Matua and Te Marautanga o Aotearoa.

Patohia te enter ki te rapu te ESC rānei ki te kati