mask-header-bottom-alt Created with Sketch.

Hoahoa tikanga whakaako

Kua hoahoatia ēnei rauemi me ētahi wāhi kuhu maha mā ngā ākonga me ngā kaiako o ngā ākonga tau 9 me te 10.
m-shape-a Created with Sketch.
m-shape-b
m-shape-c Created with Sketch.
m-shape-d Created with Sketch.
m-shape-h Created with Sketch.
m-shape-g
TE HANGANGA KATOA Table

Ngā Ara Maha

Kua hoahoatia ēnei rauemi me ētahi wāhi kuhu maha mā ngā ākonga me ngā kaiako o ngā ākonga tau 9 me te 10.

  • Ka taea te whakamahi ngā rauemi mō te whakaako ā-akomanga katoa, mō te whakaako ārahi mō ngā kura e kōmitimiti ana i ngā wāhi ako.
  • Ka āhei ngā ākonga te mahi takitahi, i rō rōpū rānei ki te tīpako i ō rātou anō wheako ako. E tuku ana tēnei i a rātou kia hanga mōhiohio me te whakapakari pūkenga i ngā wā e hiahiatia ana e rātou, me te tuku i a rātou kia mahi i te tere e hiahia ana rātou.
  • Ka taea ētahi atu momo whakamahinga rerekē mā te tuku i ngā ākonga kia tīpako i ā rātou ake ihirangi me ngā putanga hua

Kua hoahoatia te rauemi i runga anō i te anga Tirohanga Māori, he mea urutau i ngā whakaaro Kaupapa Māori, tērā ka tuku i te ākonga kia whakatau i āna mahi, ki te whakahaere hoki i a ia anō, me te whakapakari pūkenga mōhiohio-reo matatini me ngā mōhiohio-pāngarau e āhei ai ngā ākonga te mahi hei kaiuiui, hei ākonga motuhake.

E pai ana ēnei rauemi hei whakamahi i ngā taiao kura me te ako Māori. Ko ngā ākonga anō hoki e whakamahi ana i te reo Māori i ngā taiao arareo Māori. Ka taea te whakamahi hei wā ako e arahina ana e te pouako, te whakamahi rānei e ngā ākonga e mahi ana i tō rātou anō tere. Ka āhei ngā ākonga te tīpako i ngā wāhi ako e hiahia ai rātou ki te mahi whai mai ana i ngā whakariteritenga ki ngā kaiako, ā, kā ahei rātou te whakawhaiaro ki tā rātou e hiahia ana, me te mahi i te tere e hiahia ana rātou. Mēnā e whakaakona ana i tētahi taiao ako aronga whānui ake, ka āhei ngā kaiako te hono atu ki ētahi atu mātanga wāhi ako me te whakamahi i ngā rauemi puta noa i ia wāhi ako. Heoi, ka taea hoki ēnei rauemi te whakaako hei wāhi ako wehe kē mā tētahi kaiako.

Hoahoa Rangahau:

Ko te koronga o tēnei hōtaka ako ko te whakatinana tōminatanga Māori[1]. Nō reira, kua tāmatatia te anga Tirohanga Māori a Core Education[2], he mea urutau mai i te rapunga whakaaro Kaupapa Māori, tērā ka āhukahuka i ngā mātāpono o te tino rangatiratanga, aroha, manaakitanga, pono me te tika. Ka whakaaturia anō hoki tēnei e te whakamahi i te reo Māori me ngā pūrākau, ina koa i pēhea a Māui i whakapōturi ai i te rā.

E whakarite ana ngā aweko ki te rapunga whakaaro o Te Aho Matua me Tū Rangatira kei te uho ngā ākonga o ngā akoranga, ā, ko rātou te pou tokomanawa o tō rātou kura, whānau, hapū, iwi, taiao hoki, mā reira e kaha ake ai tō rātou mau ki ngā akoranga.  Ka āwhina Te Whare Tapa Whā i ngā ākonga kia mātau noa ki tō rātou oranga whānui me tō te whānau, e pā ana ki te āheitanga ahumoni. Hei kupu whakamutunga, he arotahi aro ki te pouako me te Māori Te Hurihanga Whakaako Pakirehua me te waihanga Mātauranga e āwhina ana i ngā pouako kia pai ake tā rātou whakaako i te hōtaka ako.

Ētahi ara tikanga whakaako e rima e noho ana hei pou here mō te hoahoa:

●     Te anga Tirohanga Māori 

●     Te Whare Tapa Whā

●     Te rapunga whakaaro o Te Aho Matua

●     Ngā  mōhiotanga Tū Rangatira

●     Te Hurihanga Whakaako Pakirehua me te Waihanga Mātauranga

 

[1] (Smith, 1997)

[2] (Isaac-Sharland & Bright, 2018)

 

Tirohia te Rauemi

 

 

 

Equipping young people for their financial future, embedding good money habits early on.

Hāpaitia te ara tika, pūmau ai te rangatiratanga mo ngā uri whakatipu.

English
Medium Education

Written in English with resources aligned to the New Zealand Curriculum.
VISIT SITE

Māori
Medium Education

Written in te reo Māori with resources aligned to Te Marautanga o Te Aho Matua and Te Marautanga o Aotearoa.
VISIT SITE

Patohia te enter ki te rapu te ESC rānei ki te kati