Rauemi

Māui Rautaki - Wāhanga Tuarua: Ngā Tōminatanga, ngā Whāinga Poto, Paetata me te Pae Tawhiti

Ngā Tōminatanga
E kaha whakamahia ana tēnei kupu i a koe e kōrero ana mō ō wawata, pīrangi, awhero anō hoki. Ko tāu he pohewa i tāu e hiahia ai kia tutuki. Koinei te hipanga tuatahi o te whakatutuki i tāu e hiahia nā, ā, ka whakatakoto i tō ūnga. Ko te hipanga tuarua ko te huri i ēnei kia whāinga, ā, mā ngā whāinga e whakatau te ahunga hei whai atu, koe e whakaarotahi anō hoki. Mēnā ka whakaaro koe mō ngā tāngata angitu, kāore e kore nā rātou i whakatakoto ngā whāinga mārama kia tutuki ā-rā, ā-marama, ā-tau hoki.  

Whakaaroarohia ētahi o ō tōminatanga. Kei roto pea i ēnā ngā mea pēnei i:

• Tētahi haerenga kapa haka ā-motu
• Te haere ki tāwāhi
• Te haere ki te whare wānanga
• Te hoko whare mōu, mō tō whānau rānei

Māui Rautaki - Wāhanga Tuatoru: Ngā Paearu Smart

Tā Māui whakapōturi ake i a Tamanuiterā

Me hoki ngā whakaaro ki a Māui me ōna tuākana e whakapōturi ana i a Tamanuiterā.  E ai ki ngā kōrero tuku iho, ke rakahinonga wairua auaha a Māui nāna i whakamahi ngā rauemi o te taiao kia hanga taura ki te whakapōturi i a Tamanuiterā. Nāna i whakatakoto āna ake whāinga poto, whāinga paetata anō hoki kia tutuki i a ia. I a ia e āta mau ana ki tōna whāinga matua o te whakanui i ngā haora awatea kia taea e rātou ko tōna whānau te hanga māra kūmara matomato ake, ka mutu, kia whiwhi kia nui ake ngā kūmara hei hokonga atu i te 'Mākete Kaipāmu Atua'.

Whai whakaarohia te āhua o tēnei mēnā i a ia ngā Paearu SMART hei āwhina atu.