Ngā rauemi mātauranga ahumoni a Te Whai Hua, Kia Ora me School Kit
Nā te rangapūtanga hou a Te Whai Hua, Kia Ora ki a School Kit, ka whiwhi āu ākonga i ngā rauemi auaha hou e hihiri ake ai, e āhuareka ake ai te ako i te moni.
Tūhono ki a School Kit, ka kōwhiri i tētahi o ēnei e rua - E Taku Kiriāhua 13 Tau te Pakeke, Dear 13-Year-Old Me (mō te huamoni whakaputu) me He Pū Iti nō Tētahi Mea Nui Ake, Part of Something Bigger (mō te tāke) - otirā, he tirohanga hou ki te whakaako i te āheinga ahumoni i tō kura.
Ngā rauemi tāke a Te Whai Hua, Kia Ora
He Pū Iti nō Tētahi Mea Nui
He kete rauemi akomanga koreutu a He Pū Iti o Tētahi Mea Nui, he utauta matihiko me te hapori tautoko kaiako tuihono hei whakaako i te tāke ki ngā akonga. Kei roto i te rauemi ētahi mahi whaitake o te tāke takitahi, me te tirohanga whānui ki ngā mea ka utua e te tāke.
He whāiti noa ngā kete e wātea ana, nā reira me rēhita i tēnei rā, e whiwhi ai koe i tētahi mā tō ākoranga.
Ngā rauemi huamoni whakaputu a Te Whai Hua, Kia Ora
E Taku Kiriāhua, 13 Tau Te Pakeke
Ka whakarato a E Taku Kiriāhua, 13 Tau Te Pakeke ki ngā rauemi hei whakaako i ō ākonga ki te mana o te huamoni whakaputu, mā ngā rauemi pāhekoheko ā-akomanga, ka taunakitia ki ngā tautoko akoranga ngaio tuihono, me tētahi hapori o ngā kaiako mātanga. Ka whakamārama te rauemi i te huamoni whakaputu, i te āhua o te penapena wawe hei hiki i ō pūtea, me te āhua o te pānga o ngā hapa ā-moni me ngā arawātea ki tō ao anamata.
He whāiti noa ngā kete e wātea ana, nā reira me rēhita i tēnei rā, e whiwhi ai koe i tētahi mā tō ākoranga.
English Medium Education
Written in English with resources aligned to the New Zealand Curriculum