Ngā rauemi a Māui
He mea whakawehi pea te whakaaro ki te whakaako i te māatu ahumoni, engari ka āwhina te ao Māori, ā tātou kōrero me ngā tikanga ki te ārahi i a tātou me ngā ākonga ki te ako i ngā akoranga whaihua mō te oranga ahumoni o te rā nei.
Kua whakaritea motuhaketia ngā rauemi ako o Māui mā ngā ākonga Tau 9 me te 10, engari ka noho hei kōwae tīmatanga hiranga ki te āheinga ahumoni mā ngā ākonga, mai i te Tau 7, ki te 8, tae atu ki ngā akomanga tuākana. Kua tāmaua ki ngā tirohanga ao Māori, otirā kei ia rauemi he kōrero mō Māui e whakatōmuri ana i te rā, me ētahi atu pūrākau, hei whakaahua i ngā tikanga ahumoni i te horopaki ao Māori.
He mea whakahou ngā rauemi nei ki te tautoko i te whanaketanga o ngā pūkenga reo matatini me te pāngarau, me te whakarākei i te whakamahinga puta noa i te marau.
He tīmatanga ki te ako āheitanga ahumoni!
Ngā puka rauemi a Māui
E ono ngā rauemi kei tēnei pūtoi, e kōrero ana i ngā take pēnei i: Tō tuakiri, tō oranga, tō Mātau! Te Whakamahere i Taku Ao Ahumoni mō Āpōpō, Te Whakatakoto Whāinga me te Whakamahere, me ētahi atu. Ka tūhura ia kaupapa i te whānuitanga o ngā ariā matua me ngā ariā ahumoni, otirā e hāngai ana ki ngā ākonga kia mahi takitahi, hei āta mahi māna, otirā hei whakamahinga mahi mā te akoranga whānui.
Aratohu kaiako
Mā te kaiako
Mēnā he tauhou koe ki te whakaako i te āheintanga ahumoni, kei te rapu tohutohu rānei koe kia whaitake te whakauruuru i ēnei rauemi ki tō akomanga, otirā kei roto i tā mātou aratohu kaiako he tirohanga whānui me ngā huatau māmā ki te whakamahi i ngā rauemi o Māui.
Rauemi tautoko
Kuputaka
Ka whakataki te ao o te āheintanga ahumoni i ētahi ariā me ngā kupu hou, kua kohia ki tēnei kuputaka. Ahakoa kāore i roa, e mau ana ētahi whakamārama o ngā kupu kei ngā rauemi o Māui me ētahi atu rauemi whānui a Te Whai Hua, Kia ora.
Mā te Kaikōkiri hei awhi i a koe
Kua rite mai tō mātou Kaikōkiri, a Kimiorangi Thompson, ki te āwhina, ki tautoko i a koe mēnā he pātai āu mō te hōtaka, ki te haere atu hoki ki tō kura. Ka pai ki a Kimiorangi te haere atu ki tō kura, ki te whakatū ngā whakangungu PLD kaore he utu, nō reira kaua e whakaaroaro ki te whakapā mai.
