NCEA
E whanaketia ana ngā rauemi nei kia rite tūturu mai ai te hunga rangatahi ki te whakatau tika mō te ahumoni ki tua. Kua hoahoatia kia komokomohia ki ngā akoranga o ia rā.
Kua noho mai he rauemi aromatawai mō te ako me te whakaako mō ngā paerewa Taumata 1 e rua, ka mutu, kei te whanaketia ētahi atu rauemi mō ngā paerewa kei te taumata 2 & 3, ka wātea mai ēnei ā-taihoa ake nei i tēnei tau.
Katoa ngā rauemi kei te hāngai ki Te Marautanga o Te Aho Matua me Te Marautanga o Aotearoa, me te whai whakamanatanga anō i raro i te NZQA.
Mā te whakamahi horopaki o te ao tūturu, ka whiwhi te ākonga i te:
- waitohu mō te tohu tiwhikete NCEA mō te Kua Tutuki, te Kaiaka, te Kairangi rānei – e āhei ana te tāpae i ēnei ki te whakamanatanga o te akoranga
- hononga ki te ao mahi me te noho ki te ao ina mutu te kura mā te ako ā-horopaki
- te whakamanawatanga me te āheitanga ki te whiti atu i te kura ki te ao whānui o te mātauranga ki tua, te whakangungutanga, te whiwhi mahi rānei
E aro ana ngā akoranga katoa ki te ākonga me te tautoko anō i te mahere ako takitahi i runga i te kura tuatoru ka kōwhiria e rātou, te ako i tētahi wāhi mahi, te ahumahi rānei ka kōwhiria e rātou.
He aha katoa kei roto?
Ka whakaakona ā-kōwaetia ngā akoranga kia torotoro ai ngā ākonga i ētahi kaupapa tūturu o te ao, pērā i te haere kia noho tahi ki ētahi atu, te utu rānei i ngā akoranga ki tua. Ka tohu anō ngā kōwae i te ako mō te aromatawaitanga NCEA.
Ka whakamārama ngā aromatawaitanga katoa he aha ngā mea me mōhio ngā ākonga, he aha rānei ngā mea me mātua tutuki i a rātou e tutuki ai te/ngā hiahia o te paerewa.
E wātea ana i ia paerewa ngā rauemi e whai ake nei hei whakamahi mā te kaiako me te ākonga:
- He kupu ārahi mā te kaiako ki ngā hanga mō te ako me te aromatawai.
- He pukapuka mā te ākonga e pārekareka ana,e whai tikanga ana ōna kōrero, āna tūmahi, me ngā whakamārama whāiti o ngā āhuatanga me mātua mārama rātou e tutuki ai ngā hiahia o te/ngā paerewa.
- Tētahi ataata hei whakaohooho i ngā ākonga kia whai wāhi atu ki ētahi kaupapa ahumoni tūturu, e hono tata ana ki ngā hanga ako o te paerewa
- Ētahi tūmahi aromatawai e aromatawai ana i tā te ākonga i ako ai ki te paerewa me te tuku huarahi ki a rātou e whiwhi waetohu ai rātou mō te tohu tiwhikete NCEA e tohu ana i te Kua Tutuki, te Kaiaka, te Kairangi rānei
Ka kitea ngā rauemi paerewa i hea?
Ka kitea ngā rauemi ako me ngā mahi aromatawai mō ngā paerewa katoa i te wāhanga Rauemi.
E whiwhi ai koe i te hōtaka aromatawai mō ia paerewa, me āta tāpae mai tētahi tono, i te mea kei roto he tauira whakautu mā te ākonga. E taea ai tēnei, me mātua rēhita koe hei kaiwhakamahi mō te Sorted in Schools, ka whakaoti mai ai i te puka tono me te tukanga whakaū ka whai ake.
E whanaketia ana ngā rauemi nei kia rite tūturu mai ai te hunga rangatahi ki te whakatau tika mō te ahumoni ki tua. Kua hoahoatia kia komokomohia ki ngā akoranga o ia rā. E whanaketia ana ngā rauemi nei kia rite tūturu mai ai te hunga rangatahi ki te whakatau tika mō te ahumoni ki tua. Kua hoahoatia kia komokomohia ki ngā akoranga o ia rā.
Te whakamātau hanga ako paerewa
Ka kite koe i te whārangi rauemi kei te whakamātauria tonuhia ētahi rauemi mā ngā tuākana kura tuarua. E tohu ana tēnei kei te tuku uruparenga tonu mai ētahi kura mō ngā hanga ako, hanga aromatawai ki ā rātou ākonga. Heoi anō, e āhei ana tō whakamahi i ngā rauemi nei i te mea kua whai whakamanatanga i raro i a NZQA, ka mutu, ka kitea i te pātengi raraunga paerewa aromatawaitanga a NZQA. Me he uruparenga motuhake āu mō tētahi, mō ētahi o ā mātou rauemi tuākana kura tuarua me pāwhiri a konei.
Piki mai ki tā mātou hōtaka PLD utu kore
Kei konei mātou ki te whakatupu whakamanawatanga ki te whakaako āheitanga ahumoni. Ko Te Kupenga a Māui tā mātou hōtaka PLD utu kore e whai huarahi ai koe ki te whanake i tō māramatanga ki te āheitanga ahumoni, me pēhea hoki te tautoko ākonga e mārama ai rātou, e taea ai e rātou te whakatinana te hōtaka nei.
He hui whāiti, he kauhau tuihono, he torotoro kura kei tā mātou hōtaka. E āhei mai ana ngā kaiako, ngā kaiārahi kura me ngā whānau katoa. Mō ētahi atu kōrero, ki te rēhita mai mō te hui ka whai mai, toroa tā mātou whārangi PLD.
Me he pātai āu, whakapā mai koa ki tā mātou Kaikōkiri, ki a Kimiorangi Thompson.
Tīkina te PDF
English Medium Education
Written in English with resources aligned to the New Zealand Curriculum