I te whakapūhoitanga o Māui i te rā, ka riro mai ngā painga ki a tāua te tangata arā kia pai ake te āhua o te noho, kia tōnui ake te mahi, ā, kia noho ngākau pai. Pēnā i a Māui, kei a koe hoki te tikanga ina ka eke ki ngā taumata i a koe e ora ana, kia toitū, kia haumako tō whānau. Ko tētahi o ngā hua nui o tā Māui whakapūhoi i te haere o te Rā, ko tana āhei ki te āta whakarite. I mōhio a ia, kia tutuki tēnei mahi nui me whakarite:
E hanga rite ana ēnei pūmanawa o Māui ki te whakamahere i tō ao ahumoni mō āpōpō. Kōkiri kau ana tō mahere, ka tōmua ake te takahi i te ara kia noho herekore te ao ahumoni. Pohewatia he wā ka taea e koe te whakatau i ngā take ahumoni ehara i te mea ko te utu tō māharahara nui. Ka māia rānei koe ki te koha ki tē†ahi hunga e noho matea ana, me te mōhio he āheitanga āu ki te pēnā? Ka taea rānei e koe te koha i tētahi pūtea nui ki tētahi hunga e tino hiahia ana, me te mōhio he pūtea tāu ka taea te pēnā.
Toa atu, toa mai a Māui, pēnā i te whakapūhoitanga i te rā, ka puta hoki i āna mahi ētahi āhuatanga nā reira e noho herekore ai te tangata. Ka kitea i konei ko rironganui ki te tangata, ko te wā. Nāna hoki i whakawātea i te tangata me ōna herenga ki ngā atua kia tūhāhā tana tū. I ia mātātoa āna, ka whāia ngā ara rerekē noa kia riro i a ia ēnei hua. E whakaahua mai ana tēnei i tōna kaha ki te whakatau take. Nāna anō te ao i hiahiatia i waihanga, ā, ka hua mai i āna mahi ko ngā kōwhiringa maha me te mana motuhake mō te tangata.
E tino ōrite ana ēnei āhuatanga ki te tikanga o te ahumoni herekore. Ahakoa he maha ngā ara rerekē kia eke ki te ahumoni herekore ka nui ake ngā kōwhiringa i te ahumoni mana motuhake, ā, ka māmā ake tō āhei ki te whakarite i te oranga e hiahiatia ana, kia pai ake ai tō toiora otirā te toiora o tō whānau, tae atu ki ngā uri whakaheke. Nā reira, hei tūāpapa i tō mārama ki te raukaha ahumoni, kia noho ahumoni herekore, ahumoni mana motuhake koutou ko tō whānau.
Ko te aronga o tēnei kōwae he āwhina i a koe ki te whakaaroaro, ki te whakamahere hoki i tō ao ahumoni mō āpōpō.
Ka akiakitia koe ki te:
- Pātaitai i ētahi o tō whānau, o ō hapori hoki hoki kia mōhio i pēhea tā rātou whai whare
- Ārohi i ngā kōwhiringa hoko whare iti te utu kia toitū te noho, tae atu ki ngā papakāinga
- Wawatahia te ao o āpōpō mōu tae atu ki ngā whāinga ahumoni
- Tūhura i ngā whakaaro me ngā kōwhiringa whiwhinga moni.
Ngā pātai hāngai, ngā pātai hei matapaki
1. Tautohua ngā matea me ngā hiahia
2. Tūhurangia ngā whakaaro me ngā kōwhiringa whai moni
3. Waihangahia tētahi mahere pūtea waiwai (mōu, mō te whānau, mō te kāhui hoa e rite nei ngā whāinga)
4. Whaikoha ki ētahi atu. Te tautoko atu i ngā kaupapa ā-whānau, me ngā haepapa ki te whānau. Hei tauira: te marae, te whare karakia, he rā whānau, he koha.
5. He aha ngā tukunga iho o āu kōwhiringa ahumoni? He aha tā Māui kaupare i ngā wero i mua i a ia?
