Pokapū Ako Ākonga
Me tīmata te whiwhi waetohu mō tō tiwhikete NCEA Taumata 1 mō te āheitanga ahumoni mā tō whakaoti mai i ngā paerewa nei i te taumata Kua Tutuki, te Kaiaka, te Kairangi rānei.
Kua whanaketia ngā rauemi nei kia tīmata ai tō mārama ki te whakatau tika mō te ahumoni ki tua.
He aha katoa kei roto?
Ka whakamahia e ngā hanga mō te ako me te aromatawai ētahi āhuatanga o te ao tūturu e ako ai koe i ētahi:
- pūkenga matua ka uaratia e te kaituku mahi
- hononga ki te ao mahi mā te ako ā-horopaki
- te whakamanawatanga me te āheitanga ki te whiti atu i te kura ki te ao whānui o te mātauranga ki tua, te whakangungutanga, te whiwhi mahi rānei.
Mō ia Paerewa kua whanaketia, e whai ake nei ngā rauemi e wātea ana hei whakamahi māu:
- Tētahi pukapuka ākonga pārekareka e whai tikanga ana ōna kōrero me āna tūmahi. Kei roto anō ētahi whakamārama whāiti o ngā āhuatanga me mātua mārama rātou e tutuki ai te/ngā hiahia o te paerewa.
- Tētahi ataata hei whakaohooho i ngā ākonga kia whai wāhi atu ki ētahi kaupapa ahumoni tūturu, e hono tata ana ki ngā hanga ako o te paerewa
- Ka kōrerohia e tō kaiako ngā mahi aromatawai ki a koe ina oti i a koe tō pukapuka me tō rite ki te whai i te aromatawaitanga.
Ka kitea ngā rauemi paerewa tino pai nei i hea?
Ka kitea ngā rauemi ako me ngā mahi aromatawai e koe kei te whārangi rauemi.
He uruparenga anō āu?
Ka tino hiahia rongo kōrero mātou i a koe. Whakaotia mai te rangahau poto nei hei āwhina i a mātou.
Download PDF
Equipping young people for their financial future, embedding good money habits early on.
Hāpaitia te ara tika, pūmau ai te rangatiratanga mo ngā uri whakatipu.