Ko wai mātou
Ko CFFC te pokapū mō te mātauranga ahumoni i Aotearoa.
He hinonga motuhake tēnei nā te karauna, ā, ko te whāinga matua he āwhina i te hunga o Aotearoa ki ngā mātauranga ahumoni, e tutuki ai ō rātau wawata i muri nei, ā, kia pakari hoki ngā take ahumoni i te ahungaruatanga.
Ko te wawata o Sorted in Schools ko te whītiki i te hunga taiohi katoa o Aotearoa ki te mātauranga pūtea mō āpōpō atu.
E taea ai tēnei, i kōwhiria e te kāwanatanga a CFFC ki te whanake me te whakatinana hōtaka hei tautoko i te whakaako me te ako pūkenga pūtea i ngā kura tuarua.
I whakaingoatia te hōtaka ko Sorted in Schools ki te whakawhānui ake i te waitohu pono me te pae tukutuku Sorted a CFFC sorted.org.nz.
Āpiti atu ki tēnei ka hoatu ko te ingoa Te whai hua - kia ora ki ēnei rauemi reo Māori, ki te whakawhānui ake i tō mātou wawata me ō mātou tūmanako mō te hōtaka nei. E tohu ana te ingoa nei i ngā momo whai rawa katoa, ina koa ērā huarahi whai rawa e āhei ai koe ki te noho i tērā momo oranga e rite ana ki a koe. Kia taea ai e te tauira , e te whānau, e te hapū me te iwi te whakatau he aha te 'hua me te ora' mō rātou, otirā he aha ō rātou hiahia e mauri ora ai, he hauora ai rātou.
Mōkihi mō te whakaako me te ako
E hāngai ana ngā rauemi whakaako, akoako katoa a Te whai hua - kia ora ki Te Marautanga o Te Aho Matua, ki Te Marautanga o Aotearoa me te Marautanga o te Motu. Ka āhei noa koe ki ēnei mā tēnei pae tukutuku, ka mutu ka taea ētahi rauemi maha tonu te tiki atu me te whakamahi a-tuimotu.
Nā te taumahinga o te pae e āhei ana te pouako ki te hanga i tētahi paemana whaiaro, e āhei ai rātou ki te tiaki me te toha rauemi e pai ake ai tā rātou whakarite i ā rātou akoranga pūkenga pūtea.
Ko tētahi inenga angitū matua mō te hōtaka ko te āta whai kia ōrite te āhei atu a te hunga taiohi katoa ki te mātauranga pūkenga pūtea. E taea ai tēnei, ka tukua putuputuhia ētahi mōkihi whakaako, akoako e waru mō ngā tau kura tuarua 9-13 i waenga i te 2019-2021.
Ka whanaketia e mātou ētahi mōkihi e whā ki te reo Māori, e whā anō ki te reo Ingarihi. Kua tīmata mātou ki ngā tau 9-10 mō Te Marautanga o Aotearoa me Te Marautanga o Te Aho Matua.
He aha i whakaakona ai te pūkenga pūtea?
Ko te ao matihiko te ao o ā tātou taiohi, arā, kāore rātou e mōhio ki te ao kāore he Pukamata, he hoko ā-tuihono, he pēke ā-tuihono. Nō ēnei rangi tonu nei i pēnei rawa ai te māmā o te āhei atu ki te moni taurewa me te tuku taurewa tānga tuatoru i te pūtea.
Me mātua whai tātou kia wehe atu ā tātou taiohi i te kura me tō rātou mātau mō te moni, me pēhea anō te whāwhā e whai painga ai rātou.
Te kaupapa tirohanga
Pānuihia ētahi atu kōrero mō te wawata me te whāinga a Sorted in Schools. Ko tā mātou whāinga mā roto i te hōtaka ko te whītiki i te hunga rangatahi katoa o Aotearoa ki te pūkenga pūtea mō āpōpō atu.
Te Marautanga o Aotearoa
Ko ngā kaupapa e hāngai ana ki te marautanga o Aotearoa.
Te Aho Matua
Ko ngā kaupapa e hāngai ana ki te marautanga o Aotearoa.
Equipping young people for their financial future, embedding good money habits early on.
Hāpaitia te ara tika, pūmau ai te rangatiratanga mo ngā uri whakatipu.