Aromatawai

Te Whakaruapapa Aromatawai Whaimana

He wāhi nui tō te aromatawai ki te Marautanga. He pūmau te hononga o te whakaako me te ako ki te aromatawai. Ko te pūtake matua o te aromatawai ko te whakarei ake i ngā akoranga o ngā ākonga me te kounga o ngā hōtaka whakaako me te ako. Ka whakarato hoki te aromatawai i te whakahokinga kōrero ki ngā mātua me ngā akonga mō te kokenga ako. E honoa ana te aromatawai ki ngā tohu i te kura tuarua. Kua whakaratohia he tauira o te aromatawai arataki.

Ko ēnei ētahi o ngā mātāpono o te aromatawai:

• e whai uara ana te ako ki te ākonga, he tōtika, he horopū. E mārama ana te ākonga ki tāna e ako ai
• e whai wāhi ana ngā ākonga ki ngā mahi aromatawai. Ka whakariterite, ka matapaki ngā ākonga i ā rātou whāinga, rautaki, whanaketanga anō hoki ki ngā mātua, tētahi ki tētahi anō hoki
• ka tautoko te aromatawai i ngā akoranga pai ake
• e kitea ana te aromatawai hei takatika, engari rawa he tukanga whakawehi
• he pūtake mārama tō ia ngohe aromatawai. Nō reira, me whaimana te aromatawai, me hāngai hoki ki tōna pūtakev

Tirohia te Rauemi