Ngā whanaketanga
Kua komokomotia ngā whenu o te tuakiri, te oranga me te āheitanga ahumoni, te whakatakoto whāinga, me te whakamahere mō anamata, ki roto i ngā ngohe whakaako me te ako puta noa.
E tuku ana ngā whanaketanga i ngā kaiako kia tautoko i ngā ākonga whai hiahia ako matahuhua, nō te mea ka taea te whakahāngai i ngā taumata aromatawai ki ngā hiahia hirikapo o ngā ākonga. E aro atu ana ēnei ki te ākonga hei uho, me te whakapakari i tō rātou mārama ki tēnei mea te āheitanga ahumoni.
He taputapu whai uara ēnei kia whakaurua e ngā kaiako ki roto i ā rātou whakamahere huri noa i te whānuitanga o ngā wāhi ako. Nā reira ka taea te whakaako rōnaki i te Āheitanga Ahumoni i ngā horopaki tūturu, pēnei i:
- Te whakamahere i ngā haerenga kura, ngā mahi ahurea rānei
- Te hoko taputapu whakakorikori tinana
- Te akoranga ā-kaupapa
- Ngā kaupapa hangarau
- Ngā mākete pō
- Ngā hui mahi moni mō te kura.
Tirohia te Rauemi
Tīkina te PDF
English Medium Education
Written in English with resources aligned to the New Zealand Curriculum